- واحد قال لأبوه بابا عاوز أكمل دراستي بره قال وايه المشكلة، قول لأمك تفرشلك في الحوش بس خد بالك لتبرد
- مرة اتنين أغبية كانوا ماشيين في الصحراء طلع عليهم اسد راح واحد رمى عليه طوبه وقعد يجرى وبص وراه لقى زميله واقف ما بيجريش قاله ما بتجريش ليه ؟ قاله واجرى ليه هو انا اللى ضربته
- مره واحده حامل ابنها الصغير بيسألها:ايه اللي في بطنك ده يا ماما قالتله :ده أخوك يا حبيبي...تاني يوم و هوه في المدرسه المدرس سأله:انت عندك اخوات؟ قاله:كان عندي واحد بس ماما أكلته
- مره طالبه مشاغبه المدرس اشتكاها للمدير المدير بعتلها قال لها "عملتى ايه؟" قالت له "ولا حاحه رميت ورده من الشباك" قال "بس كده؟" قالتله "اه" بعد شويه لقى طالبه مدغدغه ومكسره سالها "ايه الى عمل فيكى كده؟" قالت له "انا ورده الى اترميت من الشباك."
- واحد فشار اوي جاله واحد صحبه قعد يقوله امبارح جالي ابو لهب و حنظله و كنا بنتغدا مع بعض قاله يا عم انت هتشتغلني قاله و هشتغلك ليه امبارح كنا على طرابيزه واحده صحبه كان هيتجنن المهم نزل من عنده لقى ابن الراجل قاله صحيح الكلام ده قاله كلام ايه يا عمو قاله ابوك امبارح جاله ابو لهب و حنظله وكانو بيتغدو مع بعض؟ قاله بصراحه يا عمو مش عارف بس انا امبارح لقيت موكب من كام ناقه كده وكان مكتوب عليهم ملاكي قريش
- مره موجه جغرافيا دخل الفصل ووقف تلميذ قالله انا هارسم رسمه وانت تكمله الموجه رسم دايره الواد رسم خط فى النص،الموجه رسم خط يقسم الدايره اربعه الواد رسم له نقطه .. الموجه طلع من الفصل سعيد وانت مدرس ممتاز وقعد يشكر فى المدرسه وقال انا وقفت طالب رسمت له الكره الارضيه رسم لى خط الاستواء رسمتله خط جرينتش رسم لى نقطة مركز الكره الارضيه .. وطلع الواد يقول عالموجه ده راجل طماع ده عينه فارغه وقاللهم رسم لى رغيف عيش عالسبوره قلتله انت النص وانا النص قاللى لا انا التلات ارباع وانت الربع قلتله لا بقه دانا هاخلع لك عينك
- مدرس انجليزى بيسأل تميذ بيقوله لو عايز تقول لواحد تعالى هنا تقوله ايه؟ قاله : اقوله come here قاله : ولو عايز تقوله ارجع هناك تانى ؟ قاله : الف من الناحية التانية واقوله come here.
- مرة ولد صغير راح لجارته وطلب منها انها توريه لسانها فسألتة ليه: فقالها عشان ماما بتقول ان لسانك زي العقربة
- مره المدرس سأل الاطفال فى الفصل الى يفتكر نفسه غبى يقف ... بعد شويه وقف تلميذ ...فساله المدرس و ليه بقه يا سيدي بتفتكر نفسك غبي ..فرد عليه التلميذ اصلي محبيتش اشوفك واقف لواحداك يا أستاذ
- واحد بلدياتنا قاعد فى مؤتمر دولى , فواحد فرنساوى قام و قال " احنا حفرنا تحت برج ايفل
و لقينا أسلاك تليفونات و دة دليل ان التليفون عندنا من 100 سنة" , فقام واحد ايطالى و قال
" احنا حفرنا تحت برج بيزا و لقينا أسلاك تليفونات و دة دليل ان التليفونات عندنا من 500
سنة ", فقام بلدياتنا و قال " احنا بقا حفرنا تحت الاهرامات و ماقيناش حاجة خالص و دة
دليل ان من 5000 سنة كان عندنا المحمول "
- مرة واحد ماشى وسط الغيطان لقى عيلتين صعايدة بيضربوا على بعض نار , قبل ما
يلحق يهرب عيلة منهم عكشوه , حطوا البندقية فى دماغه و سألوه :
أنت معانا و لا مع التانيين
أ أ أنا أنا معاكم , معاكم طبعا
احنا بقى التانيين ! طاخ طاخ
- مذيع تليفزيون حب يقلد مفيد فوزى فى حلقة يونيو 99 و يثبت ان الصعايدة أذكياء
عمل برنامج مسابقات و استضاف ثلاث متسابقين صعايدة و سأل الاولانى
مين اللى انتصر فى الحرب العالمية التانية الحلفاء و لا ألمانيا النازية ؟
الحلفاء طبعا
التفت الى الثانى و سأله :
مين اللى كسب فى اخر ماتش للفرقتين ؟ الزمالك و اللا الاهلى ؟
الاهلى
لأ صحيح باين علينا ظلمنا الصعايدة , طيب نسأل الصعيدى التالت :
تفهم ايه من اجابات السؤالين اللى فاتوا ؟
نفهم من كدة ان ألمانيا النازية حتلاعب الزمالك على التالت و الرابع
- واحد صعيدى سايق خنفساء (فولكس) عمل حادثة موت خمسين واحد !
فى التحقيق بيسألوه :
ازاى عربية صغيرة زى دى تموت خمسين بنى ادم ؟
يا بيه انا كنت ماشى فى أمان الله , دست فرامل مالجيتش فرامل !
أعمل ايه جلت أدور على حاجة أخبط فيها توجفنى , لقيت على الناحية
اليمين راجل ماشى بطوله , و الناحية التانية فرح فيه خلج ياما , أخبط مين ؟
تخبط الراجل اللى بطوله طبعا
أهه دة اللى أنا عملته
أمال موت الخمسين واحد ازاى ؟
ماهو ولد الفرطوس لما لجانى داخل عليه طلع يجرى على الناحية التانية , أسيبه ؟ ؟
- حاسب قدامك شجرة
.............
يا عم بقولك احنا داخلين فى شجرة
...........
يا عم فوق الله يخرب بيتك , احنا هنخبط فى ....... طاخ
مش بقولك حنخبط فى شجرة
أعملك ايه يعنى , ما أنت اللى سايق
- ايه الفرق بين شجرة الموز و الجزمة ؟
شجرة الموز بيقف عيها 30 قرد ......
و الجزمة بيقف عليها قرد واحد
- مرة واحد ابنه طلع من الاوائل شفروه
الخميس سبتمبر 20, 2007 8:54 am